Լուսանկարչի կենսագրական տվյալները առայժմ հայտնի չեն: Նրա աշխատանքներից մեզ ծանոթ միակ` «Լուսադարան»-ում պահվող լուսանկարը վկայում է Սահակովի զարգացած մասնագիտական հմտությունների մասին: Այդ պատկերը ակնհայտորեն կրում է ժամանակին մասսայական տարածում գտած «արտ նուվո» կամ «մոդեռն» ոճի ազդեցությունը և մատնանշում է լուսանկարչի ձգտումը դեպի գեղարվեստական, կերպարվեստային լուծումներ: Կոմպոզիցիոն ու լուսա-ստվերային լուծումների շնորհիվ` բնականան պայմաններում լուսանկարված այս դիմանկարը ստացել է դեկորատիվ-նկարչական հնչեղություն, լուսանկարվող կերպարին հաղորդելով պոետիկ արտահայտչականություն: 

Վիգեն Գալստյան, 2016