Ռուս կինոռեժիսոր, օպերատոր Արկադիյ Լեվիտանը հայտնի է որպես Հայրենական պատերազմի տարիների լավագույն կինո-վավերագրողներից մեկը։ Օպերատորական արվեստով զբաղվել է դեռևս 1920-ականների վերջերից և մինչև 1970-ականների ավարտը շարունակել է աշխատել որպես ռեժիսոր ԽՍՀՄ-ի տարբեր կինո-ստուդիաներում` «Մոսֆիլմում», Վավերագրական Ֆիլմերի Կենտրոնական Ստուդիայում և այլուր։ 

Իր կինո-գործնեությանը զուգահեռ, Լևիտանը նաև զբաղվել է լուսանկարչությամբ, հատկապես առաջադիմելով գունավոր լուսանկարչության ասպարեզում։ 

1950-ին այցել է Հայաստան ուր նկարահանել է «Սովետսկայա Արմենիա» լիամետրաժ վավերագրական ֆիլմը։ Այստեղ գտնվելու ամիսներին նա նաև նկարահանել է Հայաստանը պատկերող լուսանկարչական մի ծավալուն շարք, որը հետագայում բազմիցս վերատպվել է տեղական և համամիութենական մամուլի էջերին, ինչպես նաև Հայաստանին նվիրված առանձին ֆոտո-ալբոմներում։ Իրենց բնույթով գովերգական, ռոմանտիկ և ակնհայտորեն օրիենտալիստական ոսպնյակով դիտված այդ լուսանկարները կատարելապես հարում են սովետական ազգայնականության գաղափարախոսության սկզբունքներին` ներկայացնելով Հայաստանը որպես տեղական ֆորմաներով յուրահայտուկ, սակայն կոմունիզմի կողմից «կերտված» մի հարավային դրախտավայր։ 

Վիգեն Գալստյան, 2016