1960-80-ականներին, Հովհաննես Ղայֆաջյանը աշխատակցել է «Գարուն», «Սովետական Հայաստան» և այլ տեղական պարբերականների: Լուսանկարչությամբ է սկսել զբաղվել բավականին ուշ, 1960-ին ստանձնելով Հայաստանի պետական արխիվի կինո-ֆոտո բաժնի լուսանկարչի հաստիքը։ Տաս տարի անց, 1971-ին դառնում է ԽՍՀՄ ժուռնալիստների միության անդամ և եղել է «Երևան» լուսանկարչական ակումբի ակտիվ անդամներից մեկը։ (1)

Հիմնականում կատարել է ռեպորտաժային բնույթի լուսանկարներ, ինչպես նաև Հայաստանի գյուղերն ու բնությունը պատկերող սև-սպիտակ ֆոտոէտյուդներ: Դրանք արված են կանոնային կոմպոզիցիոն լուծումներով, որոնց միջոցով լուսանկարիչը ձգտել է փոխանցել գյուղական միջավայրի իդեալականցված պատկերը: 1985-ին լուսանկարիչը դադարել է իր մասնագիտական գործնեությունը։ 

1) Վահան Քոչար, Հայ լուսանկարիչներ, հեղինակային հրատարակություն, Երևան, 2007, էջ224

Վիգեն Գալստյան, 2017