Տիգրան Փաշայան
1980 - 1990 թվականներ
Տիգրան Փաշայանի լուսանկարները հիմնականում հրատարակվել են «Գարուն» ամսագրում 1980-ականներին։ Իր ավելի սովորական դիմանկարների ու փողոցային տեսարանների կողքին Փաշայանը նաև նկարահանել է Երևանի ուրբանիստական միջավայրը ներկայացնող ավելի էքսպրեսիոնիստական շարքեր։ Այդ պատկերներում լուսանկարչը առանձնապես կարևորում է ծավալների հարաբերությունները և լուսաստվերային խաղերի` շոշափելի մթնոլորտ ստեղծելու հնարավորությունները։ Սուր հակադրությունների շնորհիվ Փաշայանը ձգտել է արտացոլել ուշ արդիականության ժամանակաշրջանին բնորոշ օտարացման զգացողությունը։
Նրա լավագույն գործերում որոնք հիշեցնում են 1970-ականների ամերիկյան «տեղագրական»
լուսանկարչությանը ներհատուկ քննադատական-վերլուծական հայացքը, մարդ-հասարակություն հարաբերությունները գտնվում են անորոշ ու լարված դրության մեջ։ Լուսանկարչի կենսագրական տվյալները առայժմ հայտնի չեն։
Ազգություն
հայ
Տարածաշրջան
ԽՍՀՄ, Հայաստան, Հայկ. ԽՍՀ
Քաղաք
Երևան
Մասնագիտացում
գեղարվեստական, վավերագրական
Մեդիա
անալոգ լուսանկարչություն
