«Նադիր» լուսանկարչատունը երկար պատմություն է ունեցել։ Հիմնադիր Կարապետ Փաբուչյանը իր անդրանիկ տաղավարի դռները բացել է 1890-ականների սկզբին, Կ. Պոլսի հայաբնակ Պերա թաղամասի՝ Մեծ փողոցի (Grand Rue) վրա։ Փաբուչյանը ճարպիկ ձեռներեց էր, ինչը երևում է իր տաղավարի անունից և պատկերանշանից որոնք անկասկած նմանակում էին աշխարհահռչակ Նադար լուսանկարչին։ Ըստ Բահաթին Օզթունչայի հաղորդած տվյալների, «Նադիրի» գովազդները նույնպես լի էին անհավանական հաջողությունների հայցերով։

Թերևս դրդված Հայոց Ցեղասպանությանը հետևանքներից, Փաբուչյանը տեղափոխվել է Եգիպտոս, ուր 1910-ականների վերջերին վերաբացել է իր տաղավարը Ալեքսանդրիայում։ Դատելով արվետանոցի արտադրանքի մեծ ծավալներից, դա շատ հաջողակ ձեռնարկություն էր։ Ամբողջապես կազմված այցեպատկերներից, կաբինետային և փոստային դիմանկարներից, «Նադիրի» արտադրանքը բնորոշված է փափուկ լուսավորությամբ, սեպիայի երանգավորումներով ու «վինյետային» էֆֆեկտներով, ինչը նրա դիմանկարներին հաղորդում է մոդայիկ նրբագեղություն։ Դրանք` 1930-50-ականների եգիպտահայ «գլամուրային» լուսանկարչության ակնհայտ նախատիպներն են։ «Նադիրը» գոյատևել է առնվազն մինչև 1930-ականների կեսը։

Վիգեն Գալստյան, 2016