20-րդ դարասկզբում, Բաղդադում գործող ամենանշանավոր լուսանկարիչն է։ Տոնաթոսյանի լուսանկարչատունը հավանաբար հաստատվել է 1890-ականներին և գործել է ընդհուպ մինչև Առաջին համաշխարհային պատերազմի ավարտը։ Բացի սովորական դիմանկարչական պատվերներից, լուսանկարիչը նաև աշխատել է որպես տարատեսակ միջոցառումների վավերագրող։ Ըստ երևույթին նա որոշ ժամանակ եղել է Իրաքի Օսմանյան և 1917-ից հետո, Բրիտանական վարչակազմի պաշտոնական լուսանկարիչը։ Հատկապես ուշագրավ են Տոնաթոսյանի «ռեպորտաժային» շարքերը որոնք արձանագրել են այդ ժամանակաշրջանի զանազան պետական, ռազմական և տնտեսական իրադարձությունները, ինչպես օրինակ Բաղդադի երկաթգծի կառուցումը և հանդիսավոր բացումը։ Տոնաթոսյանի մոտ լուսանկարվել են օսմանյան ու անգլիական տեղական իշխանության գրեթե բոլոր ներկայացուցիչները, ինչպես նաև Բաղդադի հայ մեծահարուստ ընտանիքները։ Իր անպաճույթ լուսանկարները ունեն գլխավորապես գործնական ու կիրառարական բնույթ և զուրկ են օսմանյան տաղավարային լուսանկարչության պատկերապաշտական հակումներից։ 

Վիգեն Գալստյան, 2016