Ավարտելով Երևանի Վ. Բրյուսովի անվ. օտար լեզուների ինստիտուտը, Մայիս Վարդանյանը չի խորացել լեզվաբանական մասնագիտությունների մեջ։ Որոշելով տրվել ստեղծագործական աշխատանքի՝ 1970-ականների վերջից զբաղվել է լուսանկարչությամբ և դիզայնով։ 1984-ից աշխատանքի է անցել Հայաստանի դիզայնի հանրապետական կենտրոնում և դարձել է ԽՍՀՄ դիզայների միության անդամ։ Համագործակցել է Կամո Նիգարյանին թանգարանային ցուցադրությունների ձևավորման աշխատանքներում։ Կատարել է արդյունաբերական արտադրանքի լուսանկարներ գովազդային նպատակների համար։ Ազատ լուսանկարչության բնագավառում Վարդանյանը հարում էր սոցիալ-վավերագրության հոսանքին։ Այդ առումով իր ամենանշանակալի աշխատանքն է 1988-ի ազգային շարժման ցույցերի մանրակրկիտ վավերագրումը որը ներկայացված է իր հեղինակած «Սկիզբ» ֆոտոգրքում։  

Վիգեն Գալստյան, 2016