Մովսես Հալաջյանի համանուն լուսանկարչատունը գործել է Օսմանյան Կայսրության հայաբնակ Այնթապ քաղաքում, մինչև 1915 թիվը։ Ցեղասպանության տարիներին լուսանկարչատունը փակվել է: Ենթադրվում է որ Հալաջյանը գաղթել է Մեծ Բրիտանիա և հաստատվել է Սկարբորո քաղաքում, որտեղ աշխատել է մինչև 1930-ականները:(1) Ամենայն հավանականությամբ Հալաջյանի եղբայրն է այնափցի Ջ. Հ. Հալաջյանը, որը 1910-ականներին հիմնավորվել է և աշխատել Պաղեստինում որպես լուսանկարիչ: Այլ կենսագրական տվյալներ դեռևս չեն հայտնաբերվել։ Հալաջյանի քիչ պահպանված լուսանկարներից է Հեղինե անունով ազատամարտիկ կնոջ եզակի դիմանկարը։(2) Այն առիթ է տալիս ենթադրելու որ Հալաջյանը համակրել է Կիլիկիայում և Արևմտյան Հայաստանում ծավալված հայ ազգային ազատագրական շարժմանը։

(1) http://www.arthurlloyd.co.uk/Scarborough.htm
(2) Ըստ Վահե Հաբեշյանի, Հեղինեն Գևորգ Չաուշի կինն է եղել։ Տես Vahe Habeshian, 'The woman in the wall', Armenian Weekly, online edition, December 11, 2013

Վիգեն Գալստյան, 2016