Արխիվային լուսանկարչության մասնագետ Գևորգ Գասպարյանը իր գործնեությունը սկսել է դպրոցն ավարտելուց անմնիջապես հետո` 1973-ին աշխատանքի ընդունվելով որպես լուսանկարիչ Ե. Չարենցի Գրականության և Արվեստի Թանգարանում։ (1) 1976-2004-ը աշխատել է Պատմության Թանգարանում, ապա Հայաստանի Ազգային Պատկերասրահում, պարբերաբար պատվերներ կատարելով նաև Մարտիրոս Սարյանի տուն-թանգարանի, Սարդարապատի Ազգագրության, Էրեբունի ամրոցի, Ժողովրդական Արվեստի և հանրապետության այլ թանգարաններում։ Արվեստի գործերի լուսանկարումից զատ, Գասպարյանը նաև վավերագրել է պատմա-ճարտարապետական հուշարձաններ։ Իր ազատ ստեղծագործական աշխատանքում նախընտրել է պատկերել բնության և գյուղական կյանքի տեսարաններ, որոնցից մի քանիսը տպագրվել են խորհրդահայ տարբեր պարբերականներում։ Գասպարյանի` թանգարանային և արվեստի գործերի լուսանկարները վերատպվել են տասնյակ ալբոմներում։ 1990-ականներին մասնակցել է մի շարք ցուցահանդեսների Իրանում, Իտալիայում, Գերմանիայում և այլուր։ 

1) Վահան Քոչար, Հայ լուսանկարիչներ, հեղինակային հրատարակություն, Երևան, 2007, էջ 124

Վիգեն Գալստյան, 2016