Անուշ Բաբաջանյանը իր 6-ամյա գործունեությունը նվիրել է Հայաստանում զանգվածային լրատվամիջոցների կողմից անտեսության մատնված սոցիալական խնդիրների լուսաբանմանը: Նրա նախագծերը հակված են՝ դիտարկելու թվացիորեն արհամարհված այնպիսի թեմաներ, ինչպես ‘Inlandish’ շարքում պատկերված «տարօրինակ» կին անհատները, հետերկրաշարժյան Գյումրու բնակիչները, ովքեր ապրում են ժամանակավոր կացարաններում կամ Սևանա լճի բարձրացող մակարդակի բնապահպանական աղետը: Ականավոր հայ վավերագրող լուսանկարիչ Ռուբեն Մանգասարյանի աշակերտ Անուշը բազմազան ու երբեմն փորձարարական մոտեցում է  ցուցաբերել իր վավերագրական աշխատանքներում: Նրա ֆոտոշարքերը մեկը մյուսից տարբերվում են գեղագիտական ֆորմայով, ոը փորձում է զգացական ու զգայական փորձառությունը հարաբերության մեջ դնել թեմայի/սուբյեկտի հետ: Հստակորեն հոդավորված հղացական կառուցվածքը հաճախ ամրապնդում է լուսանկարչի ֆորմալ էֆեկտների կիրառության ժեստը, ինչպես՝ ‘Sevan Rising’ շարքի՝ ֆոկուսից դուրս, ֆոտոբռնկմամբ լուսավորված պատկերները: Բաբաջանյանը հաճախ ցուցադրվել է Հայաստանում և արտերկրում՝ իբրև անհատ ստեղծագործող կամ Four Plus լուսանկարչական կոլեկտիվի անդամ:

Վիգեն Գալստյան, 2016