Գ. Ութուջյան
1920 - 1940 թվականներ
Գ. Ութուջյանը միջպատերազմյան ժամանակների Փարիզի վերնախավի ու նորաձևության լուսանկարիչ է: Նրա կենսագրությունն ու Ֆրանսիայում բնակեցման հանգամանքներն անհայտ են: Ուտջյանը հիմնականում լուսանկարել է կոմերցիոն նպատակներով, իսկ նրա ծառայություններից օգտվել են կինոյի ու թատրոնի աստղերը, նորաձևության մոդելները փարիզյան վերնախավի պատկանող մարդիկ: Նրա որոշ գործեր հանդիպում են 1925-1935թթ. այնպիսի ամսագրերի գովազդային արշավներում, ինչպես «Paris Plaisirs»: Զտված ու անթաքույց կերպով թատերականացված՝ Ութուջյանի կոկիկ լուսանկարները անբասիր պատկերի կերտման էտալոններ են: Անհատներն այս դիմանկարներում հազվադեպ են ներկայանում սեփական կերպարով.պարզապես նմանություն են փոխանցելու փոխարեն՝ դրանք լիովին ինքնագիտակից պերֆորմանսներ են հանդիսանում: Ութուջյանի հիացմունքը մակերեսի հանդեպ բնորոշ է ժամանակի եվրոպական լուսանկարչության՝ արտ դեկոյի ոճային միտումներին, որի ներկայացուցիչներն էին «Արկուր», «Ալբան», «Մանուէլ» ու «Ֆեբուս» տաղավարները:
Ազգություն
հայ, ֆրանսիացի
Տարածաշրջան
Օսմանյան Կայսրություն, Ֆրանսիա
Քաղաք
Փարիս
Մասնագիտացում
գեղարվեստական, գովազդային, կոմմերցիոն
Մեդիա
անալոգ լուսանկարչություն
Հավաքածուներ
Լուսադարան Հայկական Լուսանկարչության Հիմնադրամ, Երևան
