Հայ լուսանկարչական արվեստների հետազոտական շտեմարան

Շահան Շահնուր (Քերեսթեճյան)

1903 - 1973

1920 - 1940 թվականներ

Անվանի արևմտահայ արձակագիր Շահան Շահնուրը (Շահնուր Քերեսթեճյան) իր գրական գործնեությունից զատ նաև զբաղվել է գրաֆիկայով և տարիներ շարունակ աշխատել է որպես լուսանկարիչ։ Լուսանկարչական տեխնիկային ծանոթացել է դեռ Կոնստանդնուպոլսում, իսկ 1922-ին Փարիզ տեղափոխվելուց հետո անցել է աշխատանքի Հակոբ Սեմերջյանի հայտնի «Ֆեբուս» լուսանկարչատանը որպես օգնական։ Սեմերջյանի մոտ նա աշխատել է որպես տպագրող և ռետուշեր։ Կատարել է նաև ինքնուրույն աշխատանքներ սակայն դրանցից ոչ մեկը առ այսօր ի հայտ չի եկել։ Շահնուրի ամենահայտնի վեպի` «Նահանջ առանց երգի» (1929թ.) գլխավոր հերոսը մասնագիտությամբ լուսանկարիչ է։ Մոդեռնիստական արձակի գլուխգործոցներից մեկը լինելով հանդերձ, վեպը նաև չափազանց հետաքրքրական է որպես լուսանկարչության մասին ծավալուն և քննադատական անդրադարձ հայ գրականության մեջ։ 

Ամբողջությամբ տրվելով գրականությանը, Շահնուրը 1930-ականներից հետո դադարել է լուսանկարչի գործնեությունը։ 

Ազգություն

հայ, ֆրանսիացի

Տարածաշրջան

Օսմանյան Կայսրություն, Ֆրանսիա

Քաղաք

Կոնստանդնուպոլիս, Փարիզ

Մասնագիտացում

լուսանկարչատուն, կոմմերցիոն

Մեդիա

անալոգ լուսանկարչություն

Մատենագրություն

Փոլատյան Անդրանիկ։ Շահան Շահնուր, Նյու Ջերսի, 2003