Հարություն Շահբազյանց
1860 - 1880 թվականներ
Հարություն Շահբազյանցի «Արտուր» լուսանկարչատունը Թիֆլիսի տեղաբնակների կողմից հիմնված առաջին լուսանկարչատներից մեկն է։ Այն բացվել է 1860-ականների սկզբում և գործել է առնվազն մինչև 1880-ականների վերջերը։ 1865-1885 թվականներին, Շահբազյանցը եղել է Ֆրանսիական Լուսանկարչական Ընկերության անդամ և հավանաբար մասնակցել է այդ ընկերության կողմից կազմակերպված լուսանկարչական ցուցահանդեսներին։ Այլ կենսագրական տվյալներ չեն հայտնաբերվել։ Շահբազյանցի լուսանկարների չափազանց բարձր գեղարվեստական որակը առիթ է տալիս ենթադրելու որ նա ամենայն հավանականությամբ կատարելագործվել է Եվրոպայում։ Նրա մեզ հայտնի մի քանի դիմանկարները կրում են ֆրանսիական 19-րդ դարի երկրորդ կեսերի սալոնային լուսանկարչության՝ և հատկապես Ֆելիքս Նադարի ազդեցությունը։ Այդ պատկերներում ակնհայտ է «գրական» մոտեցում, որի միջոցով լուսանկարիչը փորձում էր լուսանկարվողներին տալ գրեթե վիպական կերպարանք։
Ազգություն
հայ
Տարածաշրջան
Ռուսական Կայսրություն, Վրաստան
Քաղաք
Թիֆլիս
Լուսանկարչատուն
Արտյուր
Մասնագիտացում
լուսանկարչատուն
Մեդիա
անալոգ լուսանկարչություն
Հավաքածուներ
Վրաստանի ազգային գրադարան, Թիֆլիս
