Մամիկոնյանցի լուսանկարչատունը գտնվում էր Թիֆլիսի Գոլովինսկոյե պողոտայի վրա, Ռոյտերի առևտրական տանը: Այն ըստ երևույթին առաջին տեղական լուսանկարչատներից էր այս քաղաքում: Պահպանված լուսանկարները թվագրվում են 1860-70-ական թվականներով: Դրանք ներկայացնում են հիմնականում Թիֆլիսի հարուստ, առևտրական կամ իշխանական խավերին պատկանող անհատներին, քանզի այդ թվականներին լուսանկարչությունը Կովկասում մեծամասամբ ծառայում էր բուրժուա դասակարգին: Մամիկոնյանցի հարուստ հարդարված տաղավարը վկայում է լուսանկարչի կոմմերցիոն հաջողության մասին, իսկ նրա վարպետորեն արված դիմանկարները` լուսանկարչի բարձր գեղագիտական ճաշակի մասին: Լուսանկարչի կենսագրական տվյալները դեռևս մնում են անհայտ: 

Վիգեն Գալստյան, 2016