Արամ Բարդիզյան
1910 - 1920 թվականներ
Ադրիանոպոլիսը, կամ ինչպես այն այսօր է հայտնի` Էդիրնեն, Օսմանյան կայսրության եվրոպական եզրին գտնվող կարևոր սահմանամերձ քաղաք էր 19-րդ դարի վերջում: Այն ունեցել է` թուրքերից, հույներից, հայերից և բուլղարներից բաղկացած համեմատաբար մեծ բնակչություն: Ինչպես մյուս Օսմանյան կենտրոններում, լուսանկարչական գործն այստեղ նույնպես հույների և հայերի մենաշնորհն էր։ Այդ լուսանկարիչների թվում էր նաև Արամ Բարդիզյանը: Բարդիզյանի գործնեության մասին միակ վկայությունները իր լուսանկարներն են: «Բէլ-էպոք» ոճով, բավականին ճոխ կահավորված իր տաղավարը սպասարկել է քաղաքի բազմազգ միջին խավին: Նրբագեղ կեցվածքներով այս դիմանկարները ստեղծում էին արդիական վայելչության պատկեր, որը համապատասխանում էր Օսմանյան բուրժուազիայի կոսմոպոլիտ ձգտումներին: Մեզ հայտնի չէ թե որքան է Բարդիզյանի արվեստանոցը գոյատևել Առաջին համաշխարհային պատերազմից մինչև Թուրքական Հանրապետության ստեղծման ժամանակահատվածում` Ադրիանոպոլսի շուրջ ծավալվող ռազմական հակամարտությունների ընթացքում:
Ազգություն
հայ, օսման
Տարածաշրջան
Օսմանյան Կայսրություն
Քաղաք
Ադրիանոպոլիս (Էդիրնե)
Լուսանկարչատուն
Արամ Բարդիզյան
Մասնագիտացում
լուսանկարչատուն
Մեդիա
անալոգ լուսանկարչություն