Լուսանկարչի մասին կենսագրական տվյալներ դեռևս հայտնի չեն: Ինչպես տեղեկանում ենք լուսանկարչատան կնիքից, Անտոնյանի տաղավարը գտնվում էր հ.32, Լենինի փողոց հասցեում, Թբիլիսիում: Այն աշխատել է 1930-ականներին, և Անտոնյանի բոլոր մեզ հայտնի լուսանկարները վերաբերվում են այդ տասնամյակին: Անկախ իր տաղավարի այցելուների սոցիալական կարգավիճակից լուսանկարիչն իր դիմանկարներում փորձել է ներկայացնել նրանց հանդիսավոր և առաքինի կերպով: Մաքուր լուսավորությամբ և պարզ կոմպոզիցիաներով կառուցված այդ դիմանկարները տեխնիկապես փայլուն են, իսկ կանացի դիմանկարները հատկապես առանձնանում են գեղագիտական հմայքով, կիսելով որոշակի աղերսներ թիֆլիսաբնակ Հ. Միրաքյանի լուսանկարների հետ:

Վիգեն Գալստյան, 2016